TAZARA YAJIDHATITI KUKUZA UCHUMI WA TANZANIA NA ZAMBIA KUPITIA RELI

UNGANA NA

LINK CLASSIC

KILA SIKU KWA HABARI MPYA

Meneja Mkuu wa TAZARA, Mhandisi Bruno Ching’andu amebainisha mwelekeo  wa shirika hilo huku akiwaasa wafanyakazi wake kutoa huduma bora ili kubadilisha shirika hilo na kuwa shirika bora la usafirishaji  kikanda.

Mhandisi Chinga’ndu amesema hayo wakati akiongea na wafanyakazi zaidi ya 500 wa Dar es Salaam, mnamo Alhamisi Juni 16 2016 mjini Dar es Salaam. Mhandisi Ching’andu alieleza kuwa anayo furaha kuwa sehemu ya watendaji wa  TAZARA na angependa kuongoza wafanyakazi  wanaolipwa vizuri, wanaofanya kazi katika mazingira salama  na kwa ushindani ili kutoa nafasi mbali mbali kwa wafanyakazi kukua na kujifunza.

“Ndoto zangu ni kuona TAZARA  yenye wafanyakazi wenye furana na  wanaojivunia kufanya kazi na kampuni hii.Nataka TAZARA ielekeze nguvu zake kwenye huduma na kuheshimu wateja wetu ili kuchangia katika kukuza uchumi wa Tanzania na Zambia kwa kulipa kodi na gawio kwa wanahisha wetu,” alisema.

Aidha, aliwasihi wafanyakazi kujituma na kumpa ushirikiano, kufanya kazi kwa umoja na ushirikiano ili kuondoa uovu wote uliochangia kurudisha maendeleo ya mamlaka hiyo.

Katika mikutano tofauti , aliyohutubia  wafanyakazi, Meneja Mkuu  amekuwa akiwataka wafanyakazi kutamka kwa pamoja   “TAZARA Moja, TAZARA Moja, TAZARA Moja,” ambapo alitaka kila mfanyakazi kujenga  dhana hiyo ili kuboresha  umoja na ushirikiano kwenye shirika hilo.

Mhandisi Bruno Ching’angu aliwasihi wafanyakazi kuacha dhana potofu ya kuomba msaada na kuanza kufanya kazi kwa kuwa mamlaka hiyo ina kila kitu kinachohitajika ili kuzalisha mapato.

Alieleza kuwa aliacha kazi iliyokuwa ikimlipa vizuri  nchiini Afrika Kusini na kujiunga  na TAZARA kwasababu alijua fika mamlaka hii ilihitaji mageuzi makubwa ili kuzalisha kipato zaidi , kitakachotosha kulipa mshahara kwa wafanya kazi, kulipa kodi na gawio kwa wanahisa.

“ Kampuni hii ina kila kinachohitajika ili kutengeneza mapato. Wachina walikuja na kujenga miundo mbinu na kutuachia tuitumie ila wengine waliishia kupoteza maisha yao.

Pia Meneja Mkuu alilalamika kuwa “walitupatia  vifaa vya kuvulia samaki  na kutufundisha namna ya kuvua samaki, ila walivyotuacha navyo sisi tukarudia hali ya awali, ambapo tulitupa vifaa hivyo na kuanza kuomba samaki.”

Pia aliongeza kamwe hatakuwa sehemu ya utamaduni wa ombamba  na hatohitaji kuongozi ombaomba huku akishauri wafanyakazi wote kuacha kuomba vitini na kujikita katika kuzalisha zaidi ili kupata kipato chao.

Meneja Mkuu alieleza kuwa ni muhimu kutambua utendaji wa sasa wa TAZARA ulivyokuwa unakatisha tamaa waanzilishi wa TAZARA ambao walifanya kazi sana ili kuhakikisha kuwa kuna reli inayounganisha Zambia na nchi za Afrika Mashariki.

 “Unaweza toa hoja ya muda wa malipo na viwango vyake ila iko wazi kuwa fedha nyingi zimewekezwa TAZARA kwa miaka mingi na serikali ya China, Tanzania na Zambia na hivyo kila mtu anategemea sisi kurudisha fadhila kwa kutoa huduma bora.

Wafanyakazi walimshukuru meneja mkuu kwa kuchangia mawazo yake na kuahidi  kushirikiana nae bega kwa bega ambapo pia walishauri  awashughulikie mameneja wazembe.

Wafanyakazi pia walitaka  mawasiliano katika ngazi zote   yaboreshwe.

Mhandisi Ching’andu ametimiza  miezi miwili tangu kuteuliwa kwake kuwa Mkurugenzi Mtendaji wa Mamlaka ya Reli TAZARA  mwezi Aprili 2016.

Mpaka sasa, Mkurugenzi Mtendaji  ameshatembelea miundo mbinu ya kutoka Dar es Salaam kwenda New Kapiri Mposhi ili kukutana na kuongea na wafanyakazi wa mamlaka hii ili kuwaelezea mahitaji na nia ya kuboresha na kubadilisha taswira ya shirika hili, ambapo mizigo iliyoshushwa kwa mwaka 1976 ilishuka kutoka tani milioni 1.2 mpaka tani 90,000 kwa mwaka wa fedha 2014/15.

Tangu kushika madaraka hayo,  Mhandisi.Ching’andu amerejesha nidhamu kwenye utendaji wa mamlaka hii,  ambapo kwa sasa  mizigo, inasajiliwa na kusafirishwa ndani ya muda mfupi.  vilevile  treni zinazobeba abiria zinatumia  muda mfupi, kwakuwa ukosefu huo wa nidhamu ulisababisha wateja kupungua.

Meneja Mkuu wa TAZARA, Mhandisi Bruno Ching’andu akizungumza na wafanyakazi wa TAZARA (Hawapo pichani)

Baadhi ya wafanyakazi wa TAZARA  wakifuatilia mkutano huo

Asante sana kwa kutembelea Website hii Mungu akubariki sana

+255 (0) 652989873 – Whatsapp / Call

Karibuni sana

LINK CLASSIC

LIKE PAGE ZETU 

LINK CLASSIC STATIONERY

LINK CLASSIC ENTERTAINMENT

"KWA HABARI ZAIDI "

BOFYA HAPA KU DOWNLOAD APPS YA LINK CLASSIC USOME HABARI KIRAHISI NA HARAKA ZAIDI

CODE HAPA