WAISLAMU WAPINGA KAULI YA MBABAZI KUHUSU IDI AMIN

Viongozi wa Kiislamu nchini Uganda wamepinga wazo la mgombea urais Amama Mbabazi la kutaka kurejesha mwili wa aliyekuwa rais wa nchi hiyo Idi Amin .

Viongozi hao wamesema hatua ya Bw Amin kuzikwa Mecca ni hadhi kubwa katika Uislamu.

Aidha wamesema dini ya Kiislamu haikubali mwili wa mtu kufukuliwa na kuzikwa tena.

Msemaji wa Baraza Kuu la Waislamu Uganda Hajj Nsereko Mutumba ameambia BBC kwamba haamini Bw Mbabazi alikuwa na nia ya dhati alitoa ahadi hiyo.

“Kusema eti atarejesha maiti yake, huo ni uongo. Cha kwanza alikuwa waziri wa ulinzi kwa miaka mingi. Pili, alikuwa ndiye kiongozi wa sera wa NRM (chama tawala cha National Resistance Movement), alikuwa mtu mkubwa kwa NRM,” amesema.

• Mbabazi aahidi kurejesha mwili wa Idi Amin

Bw Mutumba amesema tangazo la Bw Mbabazi “ni siasa tu” kwa sababu hajatangamana na jamii ya Waislamu sana.

Bw Mbabazi, aliyekuwa waziri mkuu kati ya 2011-2014, ni miongoni mwa wagombea saba wanaojaribu kufikisha kikomo uongozi wa miaka 30 wa Rais Yoweri Museveni.

Alitoa ahadi yake alipotembelea eneo alikozaliwa marehemu Amin kaskazini magharibi mwa Uganda ambapo alilakiwa na mjombake kiongozi huyo wa zamani.

Abed Bwanika, aliyewania urais na kushindwa mara tatu, alitoa ahadi sawa alipozuru eneo hilo.

Idi Amin aliondolewa madarakani 1979. Alitorokea Libya kwanza kisha akaelekea Saudi Arabia ambako aliishi uhamisho hadi kifo chake tarehe 16 Agosti, 2003.

Asante sana kwa kutembelea Website hii coz ni moja ya Support kwetu mungu akubariki sana pia endelea kusoma na kufungua LEBAL zingine kwani kuna vingi vizuri zaidi ndani ya Website hii bila kusahau kuwashirikisha ndugu jamaa na marafiki zako kutembelea website hii

Pia waweza kuwasilina nasi au kutufollow hapa chini

Whatsapp / Call - 0652 989 873

INSTAGRAM           FACEBOOK    GOOGLE+    PINTEREST   TWITTER       

LINKEDIN     DRIBBBLE   YOUTUBE

Karibu sana

LINK CLASSIC

BOFYA HAPA KU DOWNLOAD APPS YA LINK CLASSIC USOME HABARI KIRAHISI NA HARAKA ZAIDI

CODE HAPA